Министерството за здравство информира дека во соработка со Клиниката за психијатрија отворени се уште три нови телефонски броеви за психолошка поддршка за трудниците и родилките, лицата со нарушување на слухот, говорот и гласот, како и психолошка поддршка за лица во самоизолација на албански јазик во периодот со справувањето со Ковид-19.
На телефонските броеви одговараат стручни лица, психијатри од Клиниката.
* 078/378-766 – Трудниците и родилките на кои им е потребна психолошка поддршка можат да се советуваат во периодот од 09:00 до 16:00 часот.
* 072/919-009 – Лицата со нарушување на слухот, говорот и гласот можат да се советуваат во периодот од 09:00 до 16:00 часот на овој телефонски број преку апликацијата „Viber“.
* 070/291-657 – Овозможена е и психолошка поддршка за лица во самоизолација на албански јазик на овој телефонски број во периодот од 09:00 до 16:00 часот.
За потсетување, функционираат и останатите телефонски броеви за психолошка поддршка.
Родителите на деца на предучилишна возраст и училишна возраст можат да се јавуваат на телефонскиот број 072/912-676.
Возрасните лица кои се во самоизолација можат да се јавуваат за психолошка поддршка на 072/919-009.
Телефонскиот контакт на возрасните лица во самозиолација и лицата со нарушен слух, говор и глас е ист, меѓутоа комуникацијата за вторите лица е исклучиво преку „Viber“ апликацијата.
Во соработка со УНИЦЕФ и во партнерство со Универзитетската клиника за психијатрија отворени се дополнителни линии за психолошка поддршка наменети за родители и самите деца на училишна возраст, секој работен ден од 09:00 до 16:00 часот:
* 078/378-728 – За тинејџери и нивните родители.
* 070/291-574 – За родители на деца со попреченост.
Грижата за психичкото здравје е исто толку важно како и грижата за физичкото здравје во услови на пандемија со коронавирус.
ПОВРЗАНИ ВЕСТИ
(Галерија) Хумор и коронавирусот
20 лица од новозаболените со коронавирусот имале контакт со потврден случај, 1 неодамна патувало
Како да се справите со социјалното дистанцирање, карантин и изолација во услови на корона вирусот