Тетекс АД Тетово за периодот јануари-септември 2021 година оствари позитивен финансиски резултат искажан во неревидираниот единечен Биланс на успех, информираат од компанијата преку Македонската берза.
“Оперативната добивка за периодот изнесува 81.464 илјади денари, наспроти оперативната добивка од 48.358 илјади денари во истиот период минатата година.
Приходите остварени од продажба на готови производи и услуги се 35.837 илјади денари и истите се резултат од редовното работење, во што се вклучени приходи од кирии, услуги и продажба на готови производи и стоки.
Во останатите оперативни приходи е вклучена продажбата на недвижност во износ од 24.080 илјади денари.
За тековниот период се евидентирани финансиски приходи од примени дивиденди во износ од 66.471 илјади денари, додека финансиските приходи од примени дивиденди минатата година изнесуваа 41.560 илјади денари.
Остварените единечни вкупни расходи во периодот јануари – септември 2021 година изнесуваат 40.388 илјади денари и во споредба со истиот период во 2020 година бележат намалување за 53%“, велат од компанијата.
ПОВРЗАНИ ВЕСТИ
Колкав е уделот на Тетекс во добивката на ТТК Банка
Тетекс во првите три месеци од годинава работеше со добивка
Фото: Тетекс