Препораката од Комитетот за имунизација е да освен повозрасните категории на граѓани над 60 години, трета доза на вакцина да добијат и било кои други граѓани без разлика на возраста и без разлика на тоа дали имаат или немаат други хронични болести, а се во значаен ризик заради зголемените контакти поради видот на работата и работното место и се со зголемен ризик да заболат од вирусот Ковид-19.
Ова се препораки кои ги следат препораките на други европски земји и САД, кажа министерот за здравство Венко Филипче, во денешната изјава за медиуми.
„Заклучно со 2 октомври, во државата вкупно се вакцинирани 789.802, а ревакцинирани 734.023 граѓани. Трета доза вакцина досега примиле 329 лица. Над 47% од полнолетната популација во државата примила една доза вакцина, а 44% се ревакцинирани.
На територија на цела државата од вкупното населени, 38,2% примиле една доза вакцина. Според општини, најмногу вакцинирани – со две дози над 18 години има во Вевчани 72,3%, над 60% во Гевгелија, Демир Капија, Кавадарци, Неготино, Охрид, над 55% во Росоман, Ресен, Дојран, Дебарца, Богданци, Битола и Берово, под 30% во Липково, Македонска Каменица, Ново Село.
Во моментов располагаме со 260.000 дози вакцини од производителот Фајзер, 45.000 дози од вакцината Синовак и 100.000 дози од вакцината АстраЗенека.
Почнувајќи од денеска вакцинацијата во главниот град се довива во седумте поликлиники и тоа во две смени работат поликлините во Букурешт, Јане Сандански и Чаир.
Во една смена работат поликлиниките во Ѓорче Петров, Драчево, Ченто и Шуто Оризари. Граѓаните секаде без закажан термин, каде било, може да примат вакцина, ревакцина или трета доза,“ изјави Филипче.
ПОВРЗАНИ ВЕСТИ
Епидемиологот Олумчев: Трета доза не значи неквалитетна вакцина, туку засилување на имунитетот
Фото: МЗ