Два нови случаи на заболени лица од Ковид -19 денеска се регистрирани во Прилеп, додека пак, петмина граѓани се излекувани од оваа заразна болест, со што бројката на вкупно досега излекувани е 29 граѓани, информираат од прилепската локална самоуправа.
Едно лице е излекувано во Крушево.
Според најновите информации, на инфективното одделение во градската болница, моментално се хоспитализирани 17 лица, позитивни на коронавирусот.
Двајца од нив се на кислородна поддршка, останатите се со стабилна клиничка слика. Четворица пациенти се наоѓаат во делот на изолација. Од нив, двајца се негативни на коронавирусот, задржани се поради примање терапија за подобрување на нивната општа здравствена состојба, а на другите двајца земен им е брис и се чекаат резултатите.
Во Прилеп, во самоизолација се наоѓаат 242 лица. Во деновите од викендот забележани се пет нарушувања на полицискиот час.
МИА/Фото: Општина Прилеп
ПОВРЗАНИ ВЕСТИ
Убава вест: Во Дебар уште само едно лице од заразените на домашно лекување
Починаа четворца пациенти заразени од корона вирусот, вкупната бројка достигна 65
Убава вест: Оздравени 53 пациенти, вкупната бројка изнесува 553