Тимот на ОК „Вардар“ го совладата тимот на „Универзитет во Тетово“ во саботата, 13.04.2019, со 3:2 и ја забетонира својата позиција во плејофот од Македонската одбојкарска лига и желбата за освојување на шампионската титула.
„Големата пожртвуваност на секој член од екипата беше најважна за нашата победа. Ние веруваме во себе и затоа, исто како во саботата, ќе даваме сѐ што имаме на терен. Противниците ни се квалитетни и многу добри, но тоа само нѐ поттикнува да го извадиме најдоброто од нас“, велат од ОК Вардар.
Натпреварот во Прва државна лига машка конкуренција се одигра во СЦ „Форца“ – Скопје каде ОК „Вардар“ ги освои 2, 3 и 5 сет во многу тежок и возбудлив натпревар.
Повеќе информации за ОК „Вардар“ може да се најдат на www.facebook.com/okvardarteam.