(Видео) Доктор Даниловски за новата омикрон варијанта на Ковид-19: Строго носење на маски во затворен простор, редуцирање на гостите во угостителски објекти и автобусите

Доктор Драган Даниловски строго инсистира на носење маски во затворен простор и да се одржува растојание кое е препорачано, поради новата варијанта на Ковид-19, омикрон.

Тој во разговор за Канал 5, потенцираше дека ако се влоши епидемиолошката состојба, рестораните, кафеаните и клубовите треба да се затворат. За сега, според него, доволно е да се ограничи бројот на гости во угостителските објекти.

Според него, проблем е и јавниот превоз.

„Треба да се воведе скалесто работно време за да може да се редуцира бројот на автобусите.

Училиштата да продолжат сонастава во физичко присуство, а да се затвораат селективно, ако има некаде каде што ќе се надмине одреден број на заболени.

Ако се потврди дека овој сој дава благи симтоми нема да има потреба за загриженост дури и да биде 500 пати позаразен,“ изјави Даниловски.

ПОВРЗАНИ ВЕСТИ

Болки во телото и екстремен замор кај помладите, опасен за постарите: Кои се симптомите на омикрон, новата варијанта на Ковид-19

Проф. Трајковски: Нема место за паника, новиот сој на Ковид-19, омикрон, се разликува само во шилецот

Фото: МЗ