И прославата на еден од најголемите македонски национални празници – 11 Октомври, како и таа на Илинден, летово, не помина без скандал, кој е поврзан со изведба на македонски национални песни.
Овој пат лавина од негативни реакции во јавноста и на социјалните мрежи предизвика изведбата на песната „А бре, Македонче“, изведена на државната прослава на 11 Октомври во Куманово.
Наместо препознатливиот стих: „нека разберат клетите фашисти македонско име нема да загине“, хорот на Националната опера и балет (НОБ) испеа: „нека разберат душманите клети македонско име нема да загине“.
По реакциите во јавноста од Владата и НОБ информираа дека не станува збор за цензура или измена на песната, туку дека е користена друга верзија на песната, направена во доцните седумдесети години на минатиот век.
Станува збор за аранжман на Драган Шуплевски.
Песната има неколку верзии, но легитимното прашање е зошто е користена верзијата без „клетите фашисти“, што најмногу би одговарала за ден кога македонскиот народ се кренал против фашистите.
На прославата на 2 Август во Крушево, хорот на НОБ пак изостави цела строфа при изведбата на револуционерната македонска песна „Во борба, во борба”, во која се спомнуваат Гоце Делчев и фашистите.
ПОВРЗАНИ ВЕСТИ
Фото: Влада