Проф. Дејан Трајковски во гостувањето на Стадион на Канал 77 рече дека делта сојот кој е од 50 до 90 проценти позаразен, однесе 1.047 починати до сега.
„Меѓутоа, доколку никој не се вакцинирал, во овој бран би умреле 2.130 лица, што значи дека до сега имаме спасено околу 1.000 лица со сегашниот опфат на вакцинација.
Но, доколку сите би се вакцинирале, би починале 209 лица, со просек на ефикасност од 89% ефектот од вакцините против смртен исход,“ рече Трајковски.
Во однос на високата смртност, Трајковски вели дека математичката може да измери колкава е, додека докторите треба да одговорат на прашањето „зошто“.
„Мислам дека никогаш нема да го направат тоа, бидејќи ако знаеле зошто, ќе го спречеле тоа. Инаку, по годишна смртност и поранешната годишна смртност, Македонија е на второ место во светот.
Меѓутоа, со земање на резултатите од новиот Попис, веројатно ќе бидеме на прво место. Значи, ние сме веројатно и пред Перу. Ние моментално имаме преку 6.000 починати на милион жители, од почетокот на пандемијата.
Значи не 3.000 според официјално дијагностицираните, туку 6.000 според официјаните извештаи на Државниот завод за статистика, каде со математичка пресметка може да се види каде е вишокот според официјалната годишна пресметка на смртност.
Со голема прецизност, со грешка од само 30-40, може да се процени колку ќе има починати,“ рече Трајковски.
ПОВРЗАНИ ВЕСТИ
Фото: Трајковски/Фејсбук