Синоќа во Тирана се одржаа протест поради „Отворен Балкан“ на кој присуствуваат српскиот претседател Александар Вучиќ и македонскиот премиер Зоран Заев.
Според Сали Бериша, лидерот на опозициската Демократска партија и поранешен премиер, кој се обрати на протестот, целта на „Отворен Балкан“ е воспоставување на „српска хегемонија“.
„Денеска овде протестираат сите граѓани на Македонија, Косово, Босна, кои во ѓаволскиот проект гледаат обид на авантуристи да ја заменат берлинската иницијатива. Прочитајте го писмото што го испратија до Брисел.
Никаде не станува збор за суверени народи, туку за народи во стариот југословенски концепт. Овој проект има за цел да воспостави српска хегемонија во регионот.
Историјата докажа дека еден од најголемите неуспеси на Балканот, Европа и светот беше идејата за српска хегемонија на нашиот полуостров,“ изјави Бериша пред демонстрантите.
За време на протестите беа запалени неколку српски знамиња.
Live / Albanians burn the Serbian flag in Tirana.
Dozens of Albanian citizens summoned by #SaliBerisha, are protesting in #Tirana against #AleksandarVucic and "#OpenBalkan" pic.twitter.com/I74zATfLhF— Isa Myzyraj (@IsamyzyrajAlb) December 20, 2021
Албанскиот премиер Еди Рама, кој е домаќин на настанот ги осуди инцидентите.
Тој на платформата „Тик Ток“ објави и видео во кое се гледа како млад човек се обидува да го извлече српското знаме од столбот во Тирана. Тој успеал да скине половина од знамето, а останатото останало на столбот. Младиот човек паднал од значителна висина.
@ediramatiktok Unë tradhëtar dhe ky patriot i bie apo jo😂 Zot ruaje Shqipërinë nga të marrët🙏
„Бог да ја спаси Албанија од будали“, напиша Рама.
Фото/видео: FM Images Albania/Твитер/Тик-ток