Заедно со граѓаните на Крива Паланка, денеска во црквата „Светa Богородица“ во Осоговскиот манастир, го прославивме големиот христијански празник – Успение на Пресвета Богородица, напиша премиерот Зоран Заев на својот Фејсбук профил.
„Ова е празник на радоста и љубовта. Споделувањето на овие вредности, љубовта и радоста, заедно со добрината нè упатува на помислата која многу често ја забораваме под притисокот на минливите, дневни искушенија, кои стануваат решливи доколку им приоѓаме со добрина, љубов и радост.
На тоа нѐ повикува и овој голем празник. Како добри луѓе, кои сакаме да си помагаме, меѓусебно да си пружиме рака и заедно да се надеваме на подобра иднина на сите нас, во нашата земја.
На сите христијани во Република Македонија ви го честитам празникот“, пишува Заев.
Фото/видео: Фејсбук/Заев