Мештаните местото го викаат Горна ледина. Се наоѓа измеѓу селата Велебрдо, Битуше т.е некаде над с. Ростуше и кањонот на Ростушка река (Ростушки водопад Дуф).
Од главниот пат кој води кон с Битуше се врти лево од каде што почнува планински пат. После 3 до 4 километри пешачење или возење со теренско возило се стигнува до ова убаво излетничко место каде што жителите на с. Велебрдо изградиле куќичка на 4 борови дрвја.
Локацијата е идеална за одмор со семејството, лесно планинарење, но има опција и за планинарење до врвовите на планината Дешат, ледничкото езеро Локув над с. Требиште или пак спуштање до с. Ростуше и Ростушкиот водопад Дуф.
План на НП Маврово е на ова место да се постават клупи за одмор, набљудувачници, мал авантура парк и други содржини.
Извор/Фото/Видео: Фејсбук/Youtube/НП Маврово