Владата денеска на седница донесе одлука за едностран прекин на договорот за државна помош со друштвото за производство на електрична и топлинска енергија ТЕ-ТО АД Скопје.
„Владата на Република Северна Македонија ја разгледа и усвои Информацијата за потребата од раскинување на договорот за доделување на државна помош, и на анексот на договорот за доделување на државна помош, склучени помеѓу Владата на Република Северна Македонија и аруштвото за производство на електрична и топлинска енергија ТЕ-ТО АД СКОПЈЕ, и донесе Одлука за едностран раскин на овие договори заради фактот дека не се постигна согласност за создавање правна основа за оваа државна помош“, соопшти Владата.
Согласно одлуката, ТЕ-ТО е должно да го плати долгот кон Управата за јавни приходи (УЈП), а доколку во рамки на законот постои можност и се постигне договор, тогаш долгот да се плати на рати.
ПОВРЗАНИ ВЕСТИ
Топ пет најголеми должници кон УЈП: „ТЕ-ТО“ со долг од 11 милиони евра убедливо на врвот