еМагазин
Image default
Балкан

Ескалација на протестите, бугарската Влада не планира да поднесе оставка

Изразуваме целосна поддршка за вчерашните постапки на полицијата, рече Тома Биков од владејачката бугарска партија ГЕРБ во изјава во име на пратеничката група.

Според него, при вчерашната ескалација на тензиите за време на протестот во главниот град, полицијата успеала да одржи ред, ризикувајќи ги своето здравје и животи, јави БГНЕС.

– За цело време, претседателот Румен Радев повикува на радикализирање на протестот. Вчера се случи оваа радикализација. Сите го видовме лицето на оваа радикализација во овие платени фудбалски агитатори, кои се состојат од претставници на криминалниот контингент и кои ја нападнаа не само зградата на парламентот, туку и полицијата, која се обидуваше да го чува редот, рече Биков.

Според пратеникот, во последните неколку дена се повторувале повици за насилство. Тој е категоричен дека е добро познато кој ја организирал агитацијата, посочувајќи на обвинетиот бизнисмен Васил Божков, кој сè уште се наоѓа во Обединетите Арапски Емирати.

– Претседателот Радев има политичка одговорност за она што се случи вчера, во целост. Организаторите на протестот ја сносат техничката одговорност и ние ќе инсистираме да се испитаат нивните врски со криминалниот контингент, кој очигледно комуницирал вчера со нив, рече Биков.

– По вчерашните инциденти, нема да дадеме оставка. Ние ја запираме оваа дебата затоа што ако поднесеме оставка тоа значи дека секоја следна влада може да биде симната од претставници на криминалниот свет. Нема да го дозволиме тоа, додаде пратеникот од ГЕРБ.

Во меѓувреме, пратениците побараа министерот за внатрешни работи Христо Терзијски да оди во парламентот и да даде целосна информација за вчерашната ескалација на антивладините протести во Софија, на кои се повредени голем број демонстранти и полицајци.

Пратеник од Бугарската социјалистичка партија (БСП) побара и премиерот Бојко Борисов пред пратениците да објасни што се случува во изминатите 56 дена и „како власта се крие за полициските штитови и пендреци“.

Претседателката на бугарскиот Парламент, Цвета Карајанчева увери дека веднаш ќе ги информира премиерот и министерот за внатрешни работи за барањето за сослушување во Собранието.

МИА/Фото: Борисов/Фејсбук

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Поранешениот сопственик на Агрокор, Ивица Тодориќ ќе биде испорачан на Хрватска, одлучи Суд во Лондон

Редакција

(ВИДЕО) Пожар на брод што пловеше кон Крит, спасени сите патници

Редакција

(ВИДЕО) Неверојатно: Австралиски каскадер во Миконос возеше мотор по вода

Редакција