Ја поздравуваме експeдитивноста на ДКСК, и повторно ја нагласуваме отвореноста да се испитаат сите аспекти за кои постои интерес. Воедно ја охрабруваме со истиот жар, ентузијазам и експедитивност да го испитаат и имотот на премиерот Зоран Заев од просечно земјоделско семејство стигна да вреди неколку милиони евра, како Заев го изгради „Глобал“ за што беше амнестиран, а Заеви стигнаа до возен парк Бентли и Мајбах. И како судот го ослободи, поточно амнестираше Заев од случајот „Поткуп“ каде се гледа како на видео бара мито, велат од ВМРО-ДПМНЕ откако од Антикорупциската комисија информираа дека се отворени два предмети против лидерот на партијата, Христијан Мицкоски.
„Воедно по истиот допрен глас, кој за Антикорупциската комисија мислиме дека треба исто да вреди како оној на власта, бараме да се испитаат повеќето дозволи за хидроцентрали на вицепремиерот Анѓушев, да ги испитаат сомнежите за грчки фирми на министерот Манчевски, и фирмите за марихуана на Заеви.
И кога не би бил последниот ден од кампањата, и кога Заев не би ги злоупотребувал институциите за ваков смешен политички маркетинг со цел да го покрие поразот, би го повикале заспаното обвинителство да поведе постапка против Зоран Заев за кривично дело – Спречување на истрага, за двајца негови функционери за што постои и јавно признание од премиерот.
Допрениот глас беше емитуван во емисијата на телевизијата 24, а доколку не ја виделе од обвинителството, веројатно ангажирани да го следат партискиот портпарол на власта, ние им стоиме на располагање да ја дадеме снимката од истото.
Претседателот на ВМРО-ДПМНЕ, Мицкоски, стои на располагање за сите детали кои се поврзани со истрагата„, велат од партијата.
ПОВРЗАНИ ВЕСТИ
Антикорупциска отвори два предмети против Мицкоски
ВМРО-ДПМНЕ: Мицкоски стои на располагање за сите детали за истрагата на Антикорупциска