Во штипската модуларна болница починаа двајца пациенти од Радовиш и Виница на возраст од 67 и 52 години.
Педесет пациенти се на болнички третман од кои 40 во модуларната. Од нив 37 се на постојана кислородна поддршка, а 10 се на Кожното одделение, кои се со полесна клиничка слики и се стабилизирани по третманот во модуларната болница.
Болничкиот извештај и денеска покажува дека расте бројот на прегледи на пациенти во дневната амбуланта, каде што во рок од 24 часа се прегледани 62 пациенти од целиот источен регион.
Директорот на Клиничка болница-Штип, Ален Ѓеорѓијев вели дека доколку имаат поголем притисок за болничко сместување на пациентите, во тој случај ќе мора да ги сместат во неколку соби на Инфективното одделение, чија реконструкција е во тек.
-Лекарите и медицинскиот персонал кои работат во ковид центарот во Штип се вратени на работа и одморите им се прекинати. Направена е и нова реорганизација на работата, ангажирани се многу лекари и медицински сестри, со цел да одговориме, доколку има потреба, вели Ѓеорѓијев.
Забележа дека хоспитализираните пациенти се на возраст од 50 до 70 години, но имаат и пациенти на 30 годишна возраст.
Прашан за колкав е процентот на пациентите со вакцина и невакцинирани, кои побарале болнички третман и починале поради тешки компликации од коронавирусот, Ѓеорѓијев со одговор дека голем дел се невакцинирани, а помал дел се вакцинирани пациенти.
-Отприлика можам да ви кажам дека 20% од починатите се вакцинирани, а 80 отсто се невакцинирани и во однос на лежечките пациенти 25% се вакцинирани, а останатите се невакцинирани, рече Ѓеорѓијев.
ПОВРЗАНИ ВЕСТИ
Нови шест починати од Ковид-19 во Тетово, 104 пациенти се на кислородна поддршка
За една недела 199 лица починале од Ковид-19, најмногу од Скопје и Тетово
МИА/Фото: МЗ