еМагазин
Image default
Македонија

Во Челопек осуда на терористичкиот напад во Виена во кој учествуваше момче со потекло од селото

Веста дека младиот Кујтим Фејзули со потекло од Челопек учествуваше во терористичкиот напад во Виена предизвика вознемиреност во ова тетовско село, со оглед дека речиси сите го познаваат неговото семејство.

Со тешко срце и едвај зборуваа со новинарите за нападот и сметаат дека тоа е лоша слика за селото и за земјата.

-Јас не го знам Кујтим, тој е роден во Австрија, но го знам татко му Јусуф. Тој пред многу години замина во Хрватска на работа и таму долго време престојувал, а потоа со семејството отишол во Австрија. Многу добро семејство се. Сега во селото нема никој од нивното семејство.

Кујтим, тој што пукал, никогаш не бил во Челопек. Зошто го направил тоа не знам. Тој во декември бил пуштен од затвор во Австрија, па сега слушнавме дека таму имало некоја група, но дали тоа влијаело врз него, навистина не знам.

Жал ми е за тие што загинаа таму. Кога утрово прочитав за ова, бев многу загрижен како тоа ќе се одрази на нас овде во селото и уште повеќе на сите оние од Челопек кои живет во Виена и Австрија, а нив ги има многу. Ова што тој го направил е голем срам, вели кафеџијата од селската кафеана на ценатарот во селото.

Со осуда за чинот зборуваа мештаните на Челопек. Јусуф Бејтулаи вели дека нападот ги погодил и фрлил голем товар врз сите нив во село Челопек.

-Колку што знам јас, целото негово семејство уште од поодамна е иселено во Виена. Како семејство беа многу примерни. Ова сепак е поединечен случај, но нас како жители на Челопек настанот многу нè оптоварува.

Сега се плашам дека сите од Челопек кои работат во Австрија ќе имаат многу проблеми. Не само за селото, и за цела Северна Макдонија од ова ќе има негативна рефлексија кога ќе се спомене од каде бил тој. Овој настан сите од селото го осудуваме, изјави Бејтулаи.

Голем е бројот на луѓе од Челопек кои се иселеници во западноевропските земји. Токму Австрија, Германија и Швајцарија се земјите во кои има челопечани кои се заминати како печалбари.

Селото е десетина километри од Тетово на падините на Сува Гора, со поделба на Горни и Долни Челопек.

Дваесетгодишниот Кујтим Фејзули  беше убиен од полицијата откако претходно беа убиени четири лица и дваесетина беа ранети.

ПОВРЗАНИ ВЕСТИ

Тројца од напаѓачите во Виена имаат и македонско државјанство: Австриската полиција бара соработка со МВР за терористичкиот напад

Кујтим Фејулаи, по потекло од Македонија стои зад терористичкиот напад во Виена, потврди австриската полиција

МИА/Фото: sky news

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео+фото) Функционери на СДСМ и ДУИ саботирале акција на странска агенција за шверц на дрога, објави албанската телевизија “Ора њуз„

Редакција

Симовски: Погрешно е мислењето дека Избирачкиот список најдобро може да се прочисти со попис на населението

Редакција

Зекири заврши со сведочењето за насилството во Собранието, утре ќе сведочат Тодоров, Заев и Спасовски

Редакција