Како последица од Ковид-19 во дебарската Општа болница со проширена дејност, почина повозрасна пациентка, жителка на Дебар, што е десетта жртва од опасниот вирус овој месец.
-Пациентката беше хоспитализирана повеќе денови во ковид-центарот во нашата болница, но и покрај сите напори на здравствениот персонал, за жал почина. Денеска како закрепнати се испуштени од нашата установа тројца пациенти па моментно хоспитализирани се 34 лица.
Од нив 26 на кислородна подршка, додека дневно амбулански се лекуваат 20 лица, изјави за МИА, Баки Алили, директор на дебарската болница.
Поради потешка клиничка слика во здравствени установи во Скопје хоспитализирани се тројца пациенти од ова подрачје.
Вкупната бројка на заразени, во оваа и Општина Центар Жупа, од почетокот на пандемијата е 1.226, од кои овој месец 263, а моментно активни на болеста се 192 лица. Во двете општини во домашна изолацијата се над 110 лица.
Алили додава дека непречено се одвива процесот на имунизација, при што само денеска аплицирани се над 200 дози од вакцините Фајзер, Синовак и АстраЗенека.
ПОВРЗАНИ ВЕСТИ
Почина 21-годишник од Ковид-19: Вкупно 6 смртни случаи во тетовската болница
МИА/Фото: МЗ