Вицепремиерот за борба против корупција Љупчо Никовски на неговиот Фејсбук-профил информираше дека во тек е истражна постапка за гинекологот Мухамед Асани, кој е разрешен од позицијата директор на Општата болница во Струга.
Тој беше разрешен поради случајот со родилката од Дебар, кој предизвика лавина од реакции во јавноста и на социјалните мрежи.
„Изминатиот период бев во постојана координација со надлежниот инспекторат, Државниот санитарен и здравствен инспекторат (ДСЗИ), кој веднаш ги презеде сите мерки што се во нивна надлежност.
Инспекторатот изврши вонреден надзор, и по констатирањето дека во домот на Асани има дива гинеколошка ординација веднаш му издаде решение за забрана за вршење на здравствена дејност.
Следен чекор на ДСЗИ беше поднесување на пријава за кривична одговорност во Основното јавно обвинителство Струга, за што во тек е истражна постапка,“ напиша Николовски.
ПОВРЗАНИ ВЕСТИ
Поради случајот со родилката од Дебар, разрешен Мухамед Асани, директорот на струшката болница