Македонија разговара со земји членки на ЕУ за метежите на границите

Македонија и земјите од регионот разговараат со земји членки на Европската унија (ЕУ) за гужвите на граничните премини со нив, кажа денеска министерот за надворешни работи и надворешна трговија, Тимчо Муцунски.

Како што е познато метежот на границите настана поради новиот систем за влез и излез во Шенген зоната, а се очекува за време на летната сезона тој да се зголеми.

Муцунски рече и дека се очекува во летниот период да бидат преземени соодветни мерки за намалување на метежот.

-Во овој момент официјално никој нема добиено одговор и затоа не можам ништо конкретно да споделам.

Но, можам да потврдам дека имаме разговори, и на највисоко ниво и на техничко-административно ниво, и дека постои подготвеност од земји членки на Европската унија да покажат флексибилност кон регионот, рече тој.

ПОВРЗАНИ ВЕСТИ

Зошто не фотографираат при секој влез во ЕУ, а не еднаш?

Грција, Португалија и Шпанија најверојатно преку летово ќе го суспендираат системот за влез и излез за да си ја спасат сезоната

Ќе патуваат ли летово и македонските граѓани во Грција без биометриска проверка на границата?

Фото: Унсплеш