еМагазин
Image default
Македонија ТОП СТОРИИ

За рушењето на “Космос“, Груевски доби девет години затвор, а Јанакиески три

Кривичниот суд Скопје, првообвинетиот во случајот „ТНТ“, Никола Груевски (во бегство), го прогласи за виновен и го осуди на девет години затвор, додека обвинетиот поранешниот министер за транспорт и врски Миле Јанакиески, е осуден на три години затвор.

Екс-градоначалникот на Општина Гази Баба, Тони Трајковски, исто така е прогласен за виновен и осуден на четири години. Иста казна затвор од четири години и беше изречена и на обвинетата Елизабета Најдовска.

Првото рочиште за овој случај беше одржано на 24 јануари 2018 година.

Судењето за овој предмет го води судијата Огнен Ставрев, а застапник на обвинението е јавниот обвинител Бурим Рустеми.

Според обвинителниот акт поднесен од поранешното Специјално јавно обвинителство, во временскиот период од 01.04.2011 година до крајот на 2012 година во Скопје, обвинетиот Никола Груевски, во својство на премиер на Владата и обвинетиот Миле Јанакиески – министер за транспорт и врски, заеднички со цел да му се одмаздат на оштетениот Фиат Цаноски за неговата политичка одлука кој како претседател на политичката партија ПЕИ, ја напуштил коалицијата со политичката партијата ВМРО-ДПМНЕ и склучил коалиција со опозициската политичката партија СДСМ, искористувајќи ја нивната реална моќ со умисла го поттикнале обвинетиот Тони Трајковски, тогашен градоначалник на Општина Гази Баба, да стори кривично дело „Злоупотреба на службената положба и овластување” и да тој ја искористи својата службена положба и незаконски да го сруши станбено-деловниот објект “Космос“, што бил граден од оштетениот-инвеститорот оштетениот Фиат Цаноски.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Најпознатите изреки на Гоце Делчев: Македонија слави 148 години од неговото раѓање

Редакција

Убава вест: Оздравени 680 заболени од Ковид-19, најмногу во Скопје 274

Редакција

(Видео) Објавена електронска верзија на „Ој девојче, девојче, ти тетовско јаболче“ со вокалот на Тоше

Редакција