„Заедно ќе успееме, нема да постапуваме со емоции, во контакт сме со ЕУ, САД и НАТО,“ им порача Ахмети на своите сопартијци

Претседателот на ДУИ, Али Ахмети на својот Фејсбук-профил им се обрати на своите сопартијци по објавата на опозициските партии дека има ново парламентарно мнозинство.

„Имам многу повици, наредби и поддршка од сите страни, Ви благодарам и не можејќи да Ви одговорам на сите, Ви велам дека заедно ќе успееме. Нема да постапуваме ниту со емоции, ниту во еуфорија. За се ќе бидете навреме информирани. Секогаш заедно, во секоја битка,“ напиша Ахмети.

Тој подвлекува дека за актуелните случувања е во контакт и координација со стратешките партнери, Соединетите Американски Држави, НАТО и Европската Унија.

„Состојбата создадена со оставката на премиерот ја менаџираме преку интензивен контакт со сите партии, освен оние кои го негираат Охридскиот договор, Преспа, добрососедството, НАТО, Република Косово и Албанците“, додава Ахмети.

ПОВРЗАНИ ВЕСТИ

Кои се следните чекори, доколку премиерот Заев поднесе оставка до Собранието или на Владата ѝ се изгласа недоверба

Што пишува во Уставот: Колку пратеници може да постават прашање на доверба на Владата

Мицкоски: „Доколку Заев не поднесе оставка, ќе поднесеме иницијатива за недоверба на Владата или ќе одиме на брзи избори“

Очекувам уште поголем број на пратеници да се приклучат кон иницијативата за изгласување на недоверба кон Владата, вели Гаши

Фото: Фејсбук/Ахмети