еМагазин
Image default
Македонија ТОП СТОРИИ

Заев: Жртва сум на својата отвореност и организирана структура која е против нашето членство на НАТО

Објавеното видео со телефонски разговори е дело на структури кои имаат анти-НАТО интереси, кои сакаат да нанесат директна штета на нашата стратешка определба за членство во Алијансата, изјави денеска на прес-конференција во Владата премиерот Зоран Заев.

-Јас сум жртва на измама на добро организирана структура, која извлекува придобивки од нови тактики, облици и алатки за медиумска дискредитација, најчесто на личности и земји со евроатлантски аспирации. Ова е еден од оние обиди за директна штета на нашите стратешки интереси да го завршиме процесот на нашето членство во НАТО. Тоа се добро организирани структури за ширење влијанија во интерес на трети страни, рече премиерот Заев.

Според него, не е тешко да се процени дека е така, бидејќи сосема очигледно е дека манипулациите излегуваат од пропагандни медиуми со изразена анти-НАТО ориентација, а во земјава први ја пренеле  медиумски канали кои секој ден шират лаги, и анти-НАТО расположение.

Во останатите разговори, посочи, тој само ги потврдува неговите и заложбите на Владата за стратешките определби на државата.

– Во овој случај мета сум јас. Жртва сум на мојата отвореност и достапност за сите, рече Заев.

Посочи дека дека жртви на такви измамнички разговори биле и францускиот претседател Емануел Макрон, поранешниот министер за надворешни работи на Велика Британија, Борис Џонсон, турскиот претседател Реџеп Таип Ердоган, поранешниот грузиски претседател Михаил Саакашвили, генералниот секретар на НАТО Јенс Столтенберг, музичарот Елтон Џон,…

Заев најави дека во иднина ќе бидат зајакнати протоколите за безбедни комуникации, а Владата во соработка со партнетите од НАТО ќе изработи план за борба против акции за дезинформирање и манипулирање.

Денешната прес-конференција на премиерот Зоран Заев следува по објавеното видео на Јутјуб од руските „пранкери“ Владимир Кузенцов (Вован) и Алексеј Столаров (Лексус), кои лажно се преставуваат како поранешниот украински претседател Петро Порошенко и генералниот секретар на НАТО Јенс Столтенберг.

МИА/Фото: Влада

ПОВРЗАНИ ВЕСТИ

Како руските комичари кои разговарале со Заев ги наоѓаат телефонските броеви на светските политичари

(Аудио) „Жртви“ на руските комичари освен Заев биле и Макрон, Ердоган, Столтенберг…

Заев на „лажните“ Порошенко и Столтенберг им дал телефонски броеви од Вес Мичел и Рамуш Харадинај

(Аудио) „Жртви“ на руските комичари освен Заев биле и Макрон, Ердоган, Столтенберг…

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Патувај на Малдивите со Стопанска банка а.д. Битола и Mastercard

Никола Осило

Рускоска не знае дали се подготвува барање за Јанева да излезе од притвор поради многу нарушено здравје

Редакција

ПОРТРЕТ: Наќе Чулев, од оперативен разузнавач до технички министер за внатрешни работи

Редакција