Жито лукс АД Скопје во втората половина од 2018 година, оствари добивка од редовно работење пред оданочување од 6.963 илјади денари, што е за 30% повисоко од истиот период минатата година, соопшти компанијата преку Македонската берза.
„Вкупните приходи од продажба се на исто ниво како и минатата година, пораст бележат продажбите на домашен пазар од 1%, додека пак кај странскиот пазар има пад на продажбите од 33%.
Трошоците на произведените производи се зголемени за 3%. Зголемените трошоци се резултат на повисоките цени за енергенсите (гас и електрична енергија), како и зголемувањето на цените на некои основни суровини.
Административните трошоци се намалени за 6%, додека трошоците за продажба и маркетинг се зголемени за 2%, поради зголемените активности за рекламирање и промоција.
Останатите оперативни приходи се повисоки од минатата година поради еднократен ефект – капитална добивка од продажба на материјално средство, додека вредносното усогласување на нетековни и тековни средства и останати оперативни расходи се на исто ниво како и мината година„, велат од компанијата.