Основниот суд во Гостивар го прифати барањето на Јавното обвинителство на Зоран Милески – Кичеец да му биде одреден притвор.
Тој е осомничен за предизвикување на сообраќајна несреќа на патот Гостивар-Кичево, при што едно лице загина, а седуммина беа повредени.
„На 4 септември, на магистралниот пат Кичево-Гостивар, осомничениот како учесник во сообраќајот на јавните патишта не се придржувал кон прописите и го загрозил јавниот сообраќај.
Движејќи се со патничко моторно возило „Мерцедес“ со кичевски регистарски ознаки, тој на критичното место не ја прилагодил брзината на движење според состојбите и условите на патот и на видно обележана полна надолжна линија започнал престигнување на возилото пред него – автомобил „БМВ“ со тетовски регистарски ознаки.
Во истиот момент, во обратна насока кон Кичево се движел автомобил „Санг Јонг“ со гостиварски ознаки, на кое осомничениот му го попречил патот, па директно удрил со предниот десен дел од „Мерцедесот“ во предниот десен дел од автомобилот „Санг Јонг“.
Удреното возило со левиот страничен дел, пак, удрило и во автомобилот „БМВ“ кој бил претекнуван,“ се вели во објаснувањето на Обвинителство.
ПОВРЗАНИ ВЕСТИ
Зоран Милески-Кичеец го пуштиле од затвор оти имал тахикардија и болки во градите
(ВИДЕО) Едно лице загина, а седуммина се повредени во несреќа на патот Гостивар-Кичево
Фото: МИА