Македонија треба да и врати на Европската комисија (ЕК) 2.276.212 евра злоупотребени преку програмата Еразмус+ во периодот од 2016 до 2018 година.
Злоупотребата на парите ја потврди Европската канцеларија за борба против измами (ОЛАФ), а Генералниот директорат за образование млади, спорт и култура на ЕК, согласно извештајот на ОЛАФ, на 30. ноември 2023 година ја известил македонската Национална агенција за европски образовни програми и мобилност за барањето за поврат на средствата. Месецов Агенцијата примила известување и за конечност на одлуката, информираше денеска директорот на Националната агенција, Марко Ѓоргиевски.
Македонија е информирана дека постојат наоди за неправилности во врска со проектни досиеја на 22 корисници на грант од програмата Еразмус+, финансирани од ЕК.
На предметот работи Основното јавно обвинителство за гонење организиран криминал и корупција.
Фото: Унсплеш