Од денеска Државниот санитарен и здравствен инспекторат (ДСЗИ) ќе почне со вонредни инспекциски надзори и издавање решенија за забрана на прием на деца во градинките кои не се целосно имунизирани со вакцината ДТП против голема кашлица.
„Вонредните инспекциски надзори ќе започнат во понеделник, 11. март, со издавање решение за забрана на прием на деца, кои не се имунизирани или се нецелосно имунизирани со ДТП, како и други наложени епидемиски мерки,“ појаснуваат од ДСЗИ.
Оттаму додаваат дека ќе се задолжат одговорните лица во предучилишните установи да изготват список на сите невакцинирани деца со ДТП.
„Да не се примаат деца со други инфективни заболувања, како и за секое зголемено отсуство да биде известен Центарот за јавно здравје – Скопје,“ истакнуваат од Инспекторатот.
ПОВРЗАНИ ВЕСТИ
Што е голема кашлица, кои се симптомите и како се пренесува
Кои се компликациите од голема кашлица, како се пренесува и лекува?
Фото: МТСП