Ванчо Ѓорѓиев е избран за нов претседател на заедничката Комисијата за историски и образовни прашања со Бугарија, на местото на досегашниот Драги Ѓоргиев, кој повеќе не е дел од ова тело.
Ѓорѓиев, кој е професор на Факултетот за историја порано беше член на Комисијата, но ја напушти во 2021 година, тврдејќи дека имало политички притисоци во нејзиното работење.
Во новиот состав на комисијата е и историчарот Александар Литовски, кој беше член на историската Комисија во периодот 2018 до 2020 година. Вработен е во Институтот за национална историја и ја истражува новата историја.
Други членови на Комисијата се: Митко Панов, историчар од Институтот за национална историја, Никола Минов, професор по историја на Филизофскиот факултет, Сашо Додевски, насловен доцент од Институтот за историја на Филозофскиот факултет, Бесник Емини, историчар од Институтот за духовно и културно наследство на Албанците во Скопје и Димитар Љоровски, историчар, вработен во Институтот за национална историја.
Фото: ТВ Сител