Градоначалникот на Струга, Рамиз Мерко, кадар на ДУИ, денеска во Основниот суд во Струга рече дека не се чувствува виновен за кривичното дело „Несовесно работење во службата“ за кое го товари Јавното обвинителство.
Станува збор за случајот за незаконското поставување на директори во основни училишта во селата Подгорци, Лабуништа и Велешта и во „Браќа Миладиновци“ во Струга.
Овие три предмети се споени, а за случајот со училиштето во Велешта се води и посебен предмет, бидејќи има повеќе обвинети, кои се товарат за исто дело како на Мерко, а дел од нив се обвинети и за кривичното дело „Фалсификување исправи“.
Судскиот процес за училиштето во Велешта се одложи за 5. јули.
Неодамна во истиот Суд за Мерко започна и судскиот процес за набавката на луксузниот автомобил „Ауди А6“ вреден 67 илјади евра.
ПОВРЗАНИ ВЕСТИ
Нема да има Медицинскиот факултет на Универзитетот на Мерко
За Рамиз Мерко има уште 14 активни предмети
Фото: Мерко/Фејсбук