На 52-годишна возраст почина новинарот Исуф Кадриу, заменик главен уредник на Алсат-М, пренесе телевизијата.
Тој починал од срцев удар во Шенѓин, Албанија, каде што бил на одмор со семејството.
Кадриу е татко на три деца, а од 2008 година беше заменик главен одговорен уредник на Алсат-М.
Средното образование завршил во гимназијата во Гњилане, а на новинарство дипломирал на Универзитетот во Тирана.
Новинарската кариера на Кадриу започна во 1998 година во телевизијата ЕРА, а од 1999 година работеше во Програмата на албански јазик на Македонската телевизија, каде работеше како уредник на вести до 2008 година.
Тој е постојан дописник на Радио Слободна Европа од Скопје, од каде известуваше за политички, економски, културни случувања и настани од Скопје и земјава.
Редакцијата на еМагазин изразува сочуство на неговата фамилија. Вечна му слава!
Фото: Фејсбук/Кадриу