Обвинение за 12 лица за случајот со спортските ваучери на Агенцијата за млади и спорт

Јавното обвинителство поднесе предлог – обвинение за 12 лица за случајот со спортските ваучери на Агенцијата за млади и спорт (АМС).

Неофицијално станува збор за сомнение за проневера на над 5 милиони евра, а Обвинителството само информираше дека лицата се сомничат за кривичните дела „Злоупотреба на службената должност“ и „Несовесно работење“, и за нив се побарани мерки на претпазливост.

ПОВРЗАНИ ВЕСТИ

И пратеникот на СДСМ, Дарко Каевски меѓу обвинетите за случајот со спортските ваучери, тој ги отфрла обвинувањата

Наумче Мојсовски меѓу обвинетите за случајот со спортските ваучери, тој вели дека е невин

Предлогот е на иницијатива на Државната комисија за спречување корупција (ДКСК), која во февруари лани најави дека поради сомнение за злоупотреба и непочитување на ваучер-системот за финансирање и распределба на спортските клубови, до Јавното обвинителство ќе поднесе иницијатива за кривично гонење на директорот на АМС, Наумче Мојсовски и двајца членови на Централната комисија.

ДКСК најави и иницијатива до Владата за проверка на одговорноста, а дополнително побара и вонредна контрола од Управата за јавни приходи.

ПОВРЗАНИ ВЕСТИ

Разрешување на Наумче Мојсовски и замрзнување на доделувањето спортски ваучери, побара Македонскиот олимписки комитет

Антикорупциска бара кривично гонење на Наумче Мојсовски, директорот на Агенцијата за млади и спорт