Економијата е во клиничка смрт, а државниот Буџет е оштетен за повеќе од 32 милијарди денари (над 500 милиони евра), соопшти денеска на прес-конферениција, министерката за финансии, Гордана Димитриеска Кочоска.
Со ребалансот на Буџетот, кој вчера помина на седница на Владата, истиот за годинава ќе изнесува 362 милијарди денари или 5,8 милијарди евра.
Вкупните приходи во Буџетот се планирани на 318,1 милијарди денари, или зголемување за 8,2 милијарди денари.
Расходите се планирани на 362,8 милијарди денари, што е зголемување од 19,1 милијарди денари.
Буџетскиот дефицит се зголемува на 720 милиони евра, на 4,9 проценти во однос на бруто-домашниот производ (БДП), кој е коригиран. Буџетот ќе изнесува 68 проценти од БДП.
Министерката нагласи дека првично проекитраниот БДП е неостварлив.
Обезбедени се 4,1 милијарда денари за плати и 5 милијарди денари за исплата на пензиите.
Од 2024 до 2028 година Македонија само по основа на камати треба да исплати 1,8 милијарди евра.
Фото: Унсплеш