Летниот период и честото изложување на силните сончеви зраци, капењето во солена вода, како и хлорирана вода во базените често резултира со сува и оштетена коса.
Каков третман и рутина за нега на косата се потребни за враќање на кутикулата на влакното, односно враќање на свежината, еластичноста и хидратацијата на вашата коса, дознаваме од препораките на стилистот и фризер Бобан Тодоровски.
Тодоровски работи како фризер и шминкер од својата 16та година во повеќе познати фризерски салони и студија за шминка во Скопје. Дополнително го усовршува своето знаење и искуство на Школо за шминка во Белград, а има и богато искуство со негово учество, осмислување и креирање на рекламни кампањи, видео спотови, едиторијали, фестивали. Две години е сопственик на сопствено фризерско студио во Скопје.
Исплакнете ја вашата коса:
– Ако ги користите продолжените летни денови и викенди и сте во море или базен, исплакнете ја косата со свежа вода што е можно поскоро за да ги отстраните солта, хлорот и другите хемикалии што можат да ја исушат косата.
Користете хидратантен шампон:
Одберете благ шампон без сулфати за да ја исчистите косата без да ги отстраните природните масла на влакното на косата. Побарајте состојки како алое вера, кокосово масло или глицерин за да помогнат во обновувањето на влажноста.
Длабинска регенеративна нега:
– Нанесете длабински регенератор или маска за коса со хранливи состојки како шеа путер, арганово масло или кератин. Оставете ја да стои најмалку 10-15 минути за да ја апсорбира влажноста и потоа исплакнете ја косата.
Нанесете регенератор без плакнење (leave-in):
– По миењето, нанесете регенератор без плакнење или спреј за расплетување. Ова помага да се задржи влажноста и да се спречи разлетување или сувост.
Избегнувајте топлотно стилизирање:
– Летниот период е идеален за да ја одморите косата од фен, пегли и фигаро. Оставете ја косата природно да се исуши за да избегнете дополнително оштетување.
Заштитни фризури:
– Размислете да ја носите косата во заштитна фризура како плетенки или пунџи за да го минимизирате изложувањето на надворешни влијанија.
Масло за коса:
– Користете лесно масло за коса или серум за да додадете сјај и мазност. Аргановото масло или серумот може да помогнат во затворање на кутикулата на косата, како и за и да се намали разлетувањето.
Кога задолжително да посетите фризер и каков третман ви е потребен?
Претходните совети се за домашна нега на вашата коса, но за постигнување на посакуван резултат, најубаво е да посетите стручни фризерски салони со цел професионална нега и анализа на влакното, односно третман прилагоден на вашата проблематика и потреба.
Скратување: Ако чувствувате дека вашата коса е особено сува или има расцветани краеви, размислете да ја скратите за да ги отстраните оштетените краеви.
Професионален третман: Дополнително, може да резервирате третман во салон, како длабински регенератор или кератински третман, за да ја обновите влажноста и сјајот на вашата коса.
Целосно боење на косата: Доколку косата е нијансирана односно депигментирана, убаво би било да се обои косата и да се вратат пигментите на влакното со боја. Косата ќе постигне поголем сјај и дополнителна заштита. Тоа може да го направите и со деми-перманентна боја која го има истиот ефект како и боењето со трајна боја
Овие чекори во голема мера ќе ви помогнат да го вратите здравиот изглед и сјај на косата, вашата самодоверба, како и да ја задржите одлично негувана по одморот на сонце!
Промотивна објава