Седумнаесетгодишна девојка е осомничена за убиство на 16-годишиното момче, кое вчера наутро беше најдено мртво во реката Пена кај месноста Бањиче близу Тетово.
По увидот и започната истрага, тетовското Обвинителтво до Основниот суд поднел барање за подготвителна постапка поради сомнение за сторено убиство.
-Основното јавно обвинителство Тетово до надлежниот суд поднесе барање за поведување подготвителна постапка против едно лице за кои постои сомнение дека сторило кривични дело Убиство од член 123 став 1 од Кривичен законик.
Осомничената 17-годишна девојка со умисла лишила од живот дете на возраст од 16 години.
По вербална расправија во автомобил кај местото викано Бањиче таа со остар предмет го удрила оштетениот во главата неколку пати, нанесувајќи му тешки телесни повреди опасни по живот.
Потоа го турнала во реката Пена, а лицето било пронајдено починато по течението на реката. Надлежниот јавен обвинител до Судот достави предлог за определување мерка притвор, соопшти денеска Службата за односи со јавноста при Јавното обвинителство.
Седумнаесетгодишната девојка е од тетовско Рогле, а полицијата за настанот направила службен разговор со уште едно малолетно машко лице од Тетово.
-На 22.12.2022 во 14:00 часот во СВР Тетово бил извршен службен разговор со 17-годишна малолетничка од тетовско Рогле. Исто така, во врска со настанот, во присуство на родител, претставник од Центар за социјални работи, адвокат и медицинско лице бил извршен разговор и со 17-годишен малолетник од Тетово, соопшти СВР Тетово.
Малолетникот на 16 години кој беше најден починат е од Ново Село, Општина Желино, информираше СВР Тетово.
Неговиот татко во средата околу 16 часот пријавил дека се оддалечил од дома со автомобил. Возилото беше најденооколу 02.20 часот, во близина на угостителски објект на место викано „Бањиче“, додека безживотното тело околу 7 часот вчера наутро.
На местото каде беше најден малолетникот смрт констатираше лекар од Итна медицинска помош, а по наредба на јавен обвинител, тело беше дадено на обдукција.
ПОВРЗАНИ ВЕСТИ
Беживотно тело на исчезнато 16-годишно момче најдено во реката Пена кај Бањиче
МИА