Министерство за здравство вчера информираше дека се починати четворица пациенти, заболени со коронавирусот, со што вкупната бројка достигна 65.
„На Клиниката за инфективни болести и фебрилни состојби починаа две лица, 58 годишна пациентка од Желино (Тетово) примена на клиниката на 21 април со тешка форма на болеста и 81 годишна пациентка од Куманово, лекувана на клиниката од 15 април.
И двете пациентки страдале од висок крвен пристисок.
Во ГОБ „8 септември“ почина 1 лицe од Куманово на возраст од 47 години, примен на болничко лекување на 3 април во тешка состојба и долго време приклучен на респираторна машина.
Почина и пациент од Битола кој се лекуваше во болницата во Битола. Пациентот бил на возраст од 66 години и во тешка општа состојба, со срцева слабост и цироза,“ информираа од Министерство за здравство.
Детали за новопочинатите соопшти и Институтот за јавно здравје (ИЈЗ).
“Кај починатите лица биле присутни симптоми и истите биле хоспитализирани.
Кај две лица се регистрирани коморбидитети (хронична/здравствени состојби, н.з.).
Немале историја на патување и не биле во контакт со веќе потврден случај во државата“, стои во анализата на ИЈЗ, која еМагазин секојдневно ја пренесува.
ПОВРЗАНИ ВЕСТИ
Убава вест: Излекувани 68 здравствени работници во Македонија, голем раст
22,9% од заболените со коронавирусот во Македонија се/биле хоспитализирани
(Графикон) До 19 години се 107 од заболените со коронавирусот во Македонија
6 лица од новозаболените со коронавирусот во Македонија со претходни заболувања
Фото: Кабинет на претседателот