Со длабока тага и неверување Ве информираме дека ненадејно почина Андон Бошковски – Доне, информираше Ракометната федерација на Македонија на нивниот Фејсбук-профил.
Неговата кариера како тренер, започна во клубот за кој играше Работнички.
Во 2004 година стана асистент тренер во составот на Металург, а потоа го водеше и тимот на Младост Богданци, пред да се врати во Металург каде остана до 2011.
Од Металург се пресели во Вардар, каде му беше асистент на Веселин Вујовиќ, а потоа и прв тренер.
Во 2015 година го презеде составот на Работнички, пред да започне интернационална кариера во романскиот клуб Роман.
Беше дел и од проектот на Еурофарм Работник, работеше во Струга, Голден Арт и Радовиш, а од лани ја презеде на клупата на косовскиот Вучитрн.
Во македонската репрезентација работеше од 2008 до 2013 година како дел од стручниот штаб.
Фото: РФМ