Според последните податоци објавени вчера, во Македонија поради компликации од корона вирусот досега починаа 157 лица.
“Во однос на дата на смрт најголем број на смртни случаи се регистрирани на 13.04.2020 година (n=9), а според недела на пријавување во тек на 22-рата недела (n=23).
Од регистрираните смртни случаи, најголем дел се на возраст над 60 години (n=102) каде е регистриран и највисок специфичен морталитет – 26,6/100.000 жители.
Регистрирани се 106 смртни случаи кај лица од машки и 50 кај лица од женски пол.
Од починатите, кај 119 (76,3%) се регистрирани коморбидитети, најчесто кардиоваскуларна болест (n=85), дијабет (n=32) и белодробна болест (n=30).
Регистриран е по еден смртен случај кај здравствен работник и бремена жена.
Девет (5,8%) од пријавените починале во вонболнички услови, а останатите 94,2% починале за време на хоспитализација“, стои во анализата на Институтот за јавно здравје, заклучно со податоци до 7. јуни, која еМагазин секојдневно ја пренесува.
ПОВРЗАНИ ВЕСТИ
Во Македонија има повеќе жени заразени со корона вирусот
Драстичен раст: 342 лица до 19 години заразени со корона вирусот
Фото: Кабинет на претседателот