Ленче Николовска и Мерсел Биљали нема повеќе да го советуваат премиерот Зоран Заев.
Биљали му беше надворешен соработник за подготовка на анализи извештаи и мислења за унапредување на меѓуетничките односи, а Николовска посебен советник за земјоделство, шумарство и водостопанство.
И двајцата поднеле оставки, кои ги потврди и Заев.
“Дел од советниците сами пристапија. На пример Мерсел Биљали кој имал ќерка за вработување вели морам да внимавам, Антикорупциска е сериозна кога ги испраќа пораките, јас правам чекор за детето. Но, тука сум и работам.
Ленче Николовска вели веќе имам друг мегдан, можеби и подобро ќе заработам. Отворам агро иницијатива во медиумскиот простор. Верувам дека таму ќе бидам и подобро платена и поисполнета, ќе дадам може и поголем придонес од тоа што верувам и како граѓанин. Имаме таква дискусија меѓу сите нас и верувам дека тоа е добро“, изјави денеска Заев.
Фото: Влада