Седумдесет и девет годишна жена шие заштитни маски и ги подарува.
Прва Станковиќ од неготинското село Пепелиште 22 години работела како хигиеничар во неготинската болница. Но, имала и дарба за шиење, па, како што самата вели, била шнајдерка на многумина од селото.
-Неколкумина се пожалија дека или не можат да најдат да купат заштитни маски или имало, но биле скапи, со зголемени цени. Затоа решив да сошијам и да подарам по некоја маска.
Тие што немаат, доаѓаат до мојот двор, им подавам оддалеку, самата не смеам многу да шетам, поради возраста. Шијам од дете и шиењето не ми претставува проблем и на овие години, нагласува Станковиќ.
Вели дека не е експерт за да знае колкава е заштитата со овие маски, но, како што смета, барем се обидела да помогне во оваа ситуација.
Според нејзината соседка, старите лица над 70 години се исплашени од моментната ситуација, а Прва е пример за многу млади шнајдери и хумани луѓе.
МИА/Фото: МИА
ПОВРЗАНИ ВЕСТИ
Вкупно 201 заболени пациенти од корона вирусот: Регистрирани 24 нови случаи, од кои 15 во Скопје
Не сите граѓани и фирми ќе добијат одложено плаќање на кредитите, велат од банките
(Видео) Браво: Компанијата “Ипринт“ од Прилеп почна со изработка на заштитен штит за лице
Вкупно 201 заболени пациенти од корона вирусот: Регистрирани 24 нови случаи, од кои 15 во Скопје