Генералниот директор на Алкалоид АД Скопје, Живко Мукаетов во синоќешното интервју за телевизијата 24 вести, со смирувачка порака до македонските граѓани дека лекови има доволно, и дека од понеделник ќе се стабилизира и состојбата со средствата за дезинфекција.
Тој рече дека Алкалоид го пренаменила делот од производството на козметика и стартувала со линија за производство на дезинфециенси.
„Ги пренаменивме машините за производство на шампони. Од денеска почна производството на дезинфециенси, односно најбараниот продукт Дезитнал. Ќе се работи и во сабота и во недела и од понеделник, целата ситуација со дезинфециенсите на територијата на нашата држава очекувам да се стабилизира“, рече Мукаетов.
Тој потенцираше дека дезинфециенсите не биле сериозен дел од портфолиото на Алкалоид и дека биле произведувани само како дополна на програмата за лекови.
Најави и 40 нови вработувања во компанијата од април поради зголемениот обем на работа.
Мукаетов порача и дека во вакви вонредни услови, потребни се итни мерки за поддршка за економијата.
Целото интервју погледнете го ОВДЕ.
ПОВРЗАНИ ВЕСТИ
„Алкалоид“ донира 200.000 евра и ги намалува цените на 158 производи од својот асортиман
Фото: Алкалоид