Вчера во Македонија беа регистрирани 23 нови случаи на заболени од коронавирусот, со што вкупниот број на заразени изнесува 1.465.
“Тестирани се вкупно 386 материјали во лабораториите во кои се спроведува молекуларно тестирање за присуство на SARS-CoV-2, од кои позитивни се 23.
Потврдените случаи се од 6 градови.
Регистрирани се случаи во скоро сите возрасни групи, најмногу од нив, 7 во возрасната група на лица над 60 години, а во однос на дистрибуцијата по пол, пријавени се 12 женски и 11 машки лица.
Хоспитализирани се 2 лица, а останатите се на домашно лекување. Кај 9 лица е регистрирано присуство на коморбидитети (хронична/здравствени состојби, н.з.).
Вкупно 9 лица имале контакт со веќе потврден случај на COVID-19 во државата, а не се регистрирани лица кои имале историја на неодамнешно патување (во последни 14 дена)“, стои во анализата на податоците од страна на Институтот за јавно здравје (ИЈЗ), која еМагазин секојдневно ја пренесува.
ПОВРЗАНИ ВЕСТИ
79,8% од излекуваните од коронавирусот во Македонија се лекувале дома
Во Македонија за прв пат повеќе излекувани, отколку заболени од коронавирусот
2 лица имале претходни заболувања, детали за новопочинатите од коронавирусот во Македонија
Фото: Град Скопје/табела: ИЈЗ