Според првичните резултати од вчерашните избори во Србија, Српската напредна партија предводена од актуелниот претседател Александар Вучиќ освоила мнозинството гласови односно 62,5 проценти од гласовите.
На големата прослава во партиското седиште, Вучиќ соопшти дека неговата партија освоила 2 милиони гласови од вкупно 3,3 милиони излезени гласачи и дека победиле и на места каде што досега никогаш не победиле.
Според него, српскиот народ му дал најголема доверба во историјата.
Републичката изборна комисија соопшти дека коалицијата СПС-Обединета Србија освоила 10,7 проценти, а партијата СПАС 4 проценти од гласовите.
Од 76 проценти обработени гласови, Српската радикална партија добила 2,2 проценти од гласовите, ПОКС 2,8 проценти, а коалицијата „Метла“ 2,4 проценти.
Претседавачот со опозициската коалиција Сојуз за Србија (СзС), Драган Ѓилас, која ги бојкотираше изборите синоќа изјави овие лажни избори на Александар Вучиќ не успеале затоа што на нив се излезени помалку од 50 отсто од гласачите.
ПОВРЗАНИ ВЕСТИ
(Видео) Разговорот со роботот Ема „нов хит“ на српскиот претседател Вучиќ
Фото/Видео: Зоран Зестиќ/Танјуг/Youtube/RTS