Грчката телевизија „Мега“ објави дека во пограничното подрачје меѓу Грција и Бугарија се појавиле лажирани тестови за Ковид-19, кои се продавале за цена од 30 до 40 евра.
Тестовите за Ковид-19 на овој граничен премин од денеска се задолжителни, а истите треба да бидат направени 72 часа пред патување во државна или приватна лабораторија, сертифицирана од надлежната служба на земјата.
Според телевизијата, интензивната контрола извршена на граничниот премин Промахонас во последните неколку дена покажала дека постои група што продава лажирани потврди за туристи што сакаат да ја преминат границата.
Станува збор за потврди кои покажуваат негативни резултати од тестот на коронавирусот.
Се работи за документи од неофицијални лаборатории, каде што името на пациентот се менува за парична надомест, а фалсификуваните тестови биле откриени од полицијата.
Фото: Влада