Надминувањето на бројката од 50 заразени и моментно 30 активни случаи, беше повод состојбата со пандемијата предизвикана од корона вирусот во Општина Валандово да биде прогласена за алармантна од страна на кризниот штаб.
По тој повод,на последната седница со која раководеше градоначалникот Перо Костадинов, беше донесен заклучок да се направи обид за мапирање на потенцијални кластери по кои се шири заразата во општината.
За спречување на ширењето на вирусот, кризниот штаб донесе нов сет на мерки со кои се наложува максимална институционална вклученост на сите чинители во борбата против Ковид-19, зачестени контроли од МВР и надлежните инспекторати како и вршење на редовна дезинфекција на детските градинки, училиштата, јавните институции и на приватните претпријатија.
До граѓаните на Општина Валандово е упатен апел за целосно почитување на пропишаните мерки и протоколи заради заштита на личното и колективното здравје.
МИА/Фото: Општина Валандово