Податоците на Институтот за јавно здравје (ИЈЗ) за периодот од 12 до 18. октомври покажуваат дека за една недела во Македонија има 2.676 нови случаи на Ковид-19.
„Тестирани се вкупно 13.213 материјали во лабораториите во кои се спроведува молекуларно тестирање за присуство на SARS-CoV-2.
Регистрирани сe 2.676 нови позитивни случаи од 34 градови во државата со зголемување од 19,3% во однос на минатата недела.
Најголем дел од регистрираните случаи се од Скопје (n=1.375; 51,4%), а највисока неделна инциденца е регистрирана во Гевгелија –228,3/100.000.
Во наведениот период, процентот на позитивни од тестирани лица изнесува 20,3%“, стои во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
За една недела бројот на починати од Ковид-19 во Македонија зголемен за 58,1%
На возраст од 30 до 39 години, најмногу од новозаразените со Ковид-19
Фото: МЗ