На социјалните мрежи се појавија голем број на реакции откако се споделија фотографии на кои се гледа огромен ред на граѓани кои чекаат за да влезат во продавниците во „Сити мол“ по повод најавените попусти за Black Friday.
„Белград, Загреб и други градови ги преуредија своите спортски Арени во привремени Ковид болници. Ние, ајде да бидеме покреативни, да го претвориме City Mall во Covid Mall.
Ќе може да се сместат илјадници болни, а меѓу убави излози, некако и полесно се дише,“ напиша лекарот Нико Беќаровски на неговиот фејсбук-профил.
Асоцијацијата на млади специјализанти исто така реагираа.
„Документација за доказ на прашањата зошто толку случаи, зошто нема место во болници и слично.
Желбата за “отворена економија” скапо ќе ја плаќаме,“ напишаа тие на нивниот фејсбук-профил.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.