Сковин АД Скопје за периодот јануари-јуни 2021 година оствари оперативна загуба во износ од 485 илјади денари искажана во неревидираниот Биланс на успех, соопштија од таму преку Македонската берза.
“Остварените вкупни приходи во периодот јануари-јуни 2021 година изнесуваат 476 илјади денари и во споредба со остварените вкупни приходи во 2020 година бележат пад од 88%, кој се должи на непостоење на сопствено производство и продажба, како резултат на целосна реализација на Одлуката за одобрување на голема зделка-продажба на подвижен и недвижен имот и пренос на трговски марки реализирана во целост во 2020 година.
Вкупните расходи во износ од 989 илјади денари бележат пад од 95% во однос на вкупните расходи во 2020 година. Оперативните расходи изнесуваат 961 илјада денари и во споредба со 2020 година кога изнесувале 17.478 илјади денари бележат намалување од 95%.
Во прилог на ова значителен пад имаат сите видови на трошоци што се должи на споменатото непостоење на сопствено производство и продажба.
Финансиските расходи во износ од 28 илјади денари бележат намалување од 94% во однос на 2020 година“, велат од Сковин.
ПОВРЗАНИ ВЕСТИ
„Сковин“ со загуба во првите три месеци од годинава
Драган Наков поднесе оставка од Одборот на директори на „Сковин“