Министерство за надворешни работи на Македонија (МНР), информираше дека по интензивната комуникација меѓу двете земји, надлежните институции на Република Бугарија, донесоа нова одлука за влез во Бугарија на нашите државјани.
„Поради влошената епидемиолошка ситуација, Северна Македонија продолжува да биде во т.н. Црвена зона, но со најновата одлука се укинуваат ограничувањата за влез за неесенцијални потреби.
Имено, со најновата одлука на бугарските власти, а која ќе стапи на сила од 20 јануари (четврток), на сите државјани на Република Северна Македонија, им е дозволен влез во Бугарија при приложување на валиден сертификат за вакцинација против Ковид-19 или сертификат за прележана болест, заедно со негативен ПЦР тест не постар од 72 часа.
За влез на малолетни лица од 12 до 18 години, исто така е задолжителен негативен ПЦР тест,“ се вели во соопштението на МНР.
ПОВРЗАНИ ВЕСТИ
Поради ковид-состојбата, Бугарите забранија влез за граѓаните од Македонија од 19 јануари
Фото: Влада