Фудбалското игралиште во училишниот двор на ООУ „Киро Глигоров“, кое училиштето со договор го отстапи на користење на приватна компанија, ќе остане во постојната состојба и нема да се дава под закуп, информираше градоначалникот на Општина Центар, Горан Герасимовски на денешната средба со претставниците на компанијата која го имаше склучено договорот за отстапување на користење на игралиштето.
-По одржаните состаноци и во консултација со органите на училиштето и закупецот на просторот, заеднички одлучивме игралиштето да го задржиме во постојната состојба, односно да се раскине договорот и да биде отворено цело време за да може децата слободно да го користат, изјави Герасимовски.
Мојата идеја, вели Герасимовски, е да се помогне и да се најде решение за состојбите со зголемените режиски трошоци.
-Но сепак примарен интерес е да овозможиме среќно детство и непречено користење на игралиштето на децата кои посетуваат настава во најубавото училиште во државата, гордоста на Општина Центар – ООУ „Киро Глигоров“, додаде градоначалникот.
Тој посочи дека Општина Центар ќе продолжи со обезбедување најдобри услови за настава и правилен развој на сите деца кои живеат во општината.
ПОВРЗАНИ ВЕСТИ
ОOУ „Киро Глигоров“: Нема да се гради никаков објект, ниту ќе се узурпира игралиштето во училиштето
Фото: Општина Центар