Професорот за политика и историја на Југоисточна Европа на Универзитетот во Грац, Флоријан Бибер во објава на Твитер во седум точки објасни зошто според негово мислење, францускиот предлог за почеток на пристапните преговори на Македонија со Европската Унија претставувава „катастрофа за проширувањето“ на ЕУ.
Според него, францускиот предлог за одблокирање на бугарското вето е катастрофа за проширувањето, иако изгледа добар за да се стави крај на бугарското вето, тој постигнува малку и носи големи опасности.
– Го вклучува билатералниот спор во преговарачкиот процес на ЕУ, давајќи им легитимитет и охрабрување на идните членки на ЕУ кои ги блокираат земјите членки. Значително се приближува до бугарските барања отколку позицијата на Македонците, па затоа е неурамнотежена.
Во суштина ја прифаќа националистичката логика на бугарската Влада и сугерира дека постои прашање за дискриминација на Бугарите во С. Македонија.
Игнорира дека проблемот е (делумно) создаден од ЕУ – 10.000 македонски граѓани добија бугарски пасоши, бидејќи се ЕУ-пасоши, не затоа што се бугарски.
Граѓаните и нивните барања да бидат граѓани на ЕУ (да работат) се злоупотребени од Бугарија за да тврди дека се „етнички“ Бугари. Ги билатеризира и дискредитира механизмите за вистинските малцински права.
Нема да има доволно поддршка во С. Македонија и нератификувањето на договорот ќе се толкува како неуспех во С. Македонија, а не како неуспех на бугарските националистички барања.
Наместо лесен излез, францускиот предлог дополнително ќе го наруши угледот на ЕУ и ќе го закопа процесот на проширување, напиша Бибер.
МИА