Фондацијата „Бугарска меморија“ на бугарскиот бизнисмен д-р Милен Врабевски, главниот финансиер на бугарските клубови во Македонија со имиња на соработници на фашистите на социјалните мрежи и на официјалната веб страна информира дека ученици од Македонија кои биле “истомисленици на бугарскиот клуб „Ванчо Михајлов““ од Битола биле на дводневна посета на Софија како составен дел од програмата за градење добрососедски односи и европска интегрaција “не само на Бугарија, туку и на Македонија“.
ПОВРЗАНИ ВЕСТИ
Кој е Милен Врабевски, главниот финансиер на бугарските клубови во Охрид и Битола
(Фото) ВМРО-ДПМНЕ: Милен Врабевски, финансиерот на бугарските клубови бил гостин на Заев во Владата
Во објавата стои и дека заедно со учениците биле и Жанета Сервини и Љубчо Здравковски – директор и заменик директор на техничкото училиште „Ѓорги Наумов“, Битола.
Тие го посетиле приватното основно училиште „Цар Симеон Велики“ во село Ивањане, ја разгледале базата и разговараа со раководството за можностите за идна заедничка работа меѓу двете институции.
Учениците слушнале предавање од Димитар Борисов од Националната гарда поврзано со историјата на Националната гарда и разговарале со Врабевски.
Учениците биле и во посета на Националниот историски музеј.
Фото: Бугарска меморија